Жүргізуші – мәселені талқылауды ұйымдастырушы, барлық оқушыларды белсенді түрде қатысуға шақырады
Автор – өз көзқарасы мен пікірін келтіруші, ұсынушы
Түрлендіруші – автордың ұсынысын толық қабылдамай, өз түсінігін құрастыратын, содан туған ойларымен басқалармен бөліседі
Пессимист (сыншы) – талқылау барысында қабылданған шешімдерге күмән келтіріп, өзгеше ұсыныс жасап, басқа шешімдер мен көзқарастар келтіреді.
Оптимист (қуаттаушы) – қандай да болмасын келтірілген ұсыныс пен әрекетті демеп, қолпаштап отырады. Оның жұмысы сыншы рөліне қарама-қарсы. Ол өз жұмысында мақтау мен мадақтауды, арқадан қағу мен қол шапалақтауды қолданады да, солар арқылы топ ішінде көтеріңкі көңіл-күй орнатуға бар күшін салады.
Суретші – топ жұмысының нәтижелерін плакатқа маркермен түсіруші.
Талдаушы(немесе сұрақ қоюшы) 0– жұмыс жасау барысында үнемі сұрақ қойып отырады.
Идеялар генераторы(идея келтіруші) – үнемі өз ойларын келтіріп, топтың әрекеттерін соларды жүзеге асыруға бағыттаушы.
Ақын – бірлескен жұмысты жандандыру мақсатында топ жұмысына немесе мүшелеріне арнап өлең мен ұйқастар шығарушы.
Скептик (күмәнданушы) – сыншы секілді әр идея, ой мен әрекетті күмәнданып қабылдаушы, қарсы пікір айтушы.
Барлаушы – басқа топтарда жұмыстың қалайша жүріп жатқандығын анықтаушы.
Жылнамашы – топ жұмысының барысы мен қатысушылардың әрекеттерін қағазға түсіруші, проблеманың шешімін жазушы.
Бақылаушы – ойын ережелері мен рөлдерді орындау үшін қабылданған тәртіптерді, қатысушылар әрекеттерінің нәтижеге бағытталуын қадағалаушы, қатысушылардың әрекеттеріне баға береді.
Таймкипер(уақыт қадағалаушы) – жұмысқа берілген уақытты қадағалап отырады
